యూసీసీ చట్టం (UCC Act):

ఉమ్మడి పౌరస్మృతి- యూసీసీ చట్టాన్ని తీసుకొచ్చే యోచనలో ఉన్న అసోంలోని బీజేపీ ప్రభుత్వం.. ఆ దిశగా తొలి అడుగు వేసింది. సీఎం హిమంత శర్మ అధ్యక్షతన శుక్రవారం జరిగిన కేబినెట్ మీటింగ్‌లో సంచలన నిర్ణయం తీసుకున్నారు. ముస్లిం వివాహ, విడాకుల నమోదు చట్టం-1935 ని రద్దు చేయాలని నిర్ణయించారు. ఇందుకు సంబంధించిన బిల్లును ఈ నెల 28న అసెంబ్లీలో ప్రవేశపెట్టనున్నట్టు తెలుస్తోంది. కేబినెట్ మీటింగ్ అనంతరం రాష్ట్ర మంత్రి జయంత మల్లాబార్వా మాట్లాడుతూ, ముస్లిం వివాహ చట్టాన్ని రద్దు చేయాలని మంత్రిమండలి నిర్ణయించినట్టు వెల్లడించారు. అసోంలో ముస్లిం వివాహాలు, విడాకులు ఈ చట్టం కింద నమోదుకావని.. ఇలాంటి విషయాలన్నీ ప్రత్యేక వివాహ చట్టం కింద ఉండాలని అనుకుంటున్నామని తెలిపారు. తాజా నిర్ణయంతో బాల్య వివాహాలను తగ్గించడంలో దోహదపడుతుందని అన్నారు. ఈ చట్టం కింద వివాహాలను నమోదుచేస్తున్న 94 మంది ముస్లిం రిజిస్ట్రార్‌లకు నష్టం జరగకుండా 2 లక్షల చొప్పున పరిహారం ఇవ్వనున్నట్లు జయంత తెలిపారు. Read Also..

Follow us on : Facebook, Instagram & YouTube.

మరిన్ని తాజా వార్తల కోసం ఇక్కడ క్లిక్ చేయండి.