శ్రీకాకుళం జిల్లా ఎచ్చెర్ల అంబేద్కర్ యూనివర్సిటీలో విద్యార్థుల మధ్య గొడవ చొటుచేసుకుంది. ఈ ఘర్షణలో విద్యార్థులు రెండు గ్రూపులుగా విడిపోయి వీధి రౌడీల్లా కొట్టుకున్నారు. ఇంజనీరింగ్, లా కాలేజ్ విద్యార్థుల మధ్య జరిగిన గొడవ స్ట్రీట్ ఫైట్ ను తలపించింది. మంగళవారం అర్ధరాత్రి ఇంజనీరింగ్ కళాశాల విద్యార్థులు బాణాసంచా కాల్చడంతో వివాదం చెలరేగింది. బాణాసంచా కాల్చడంపై లా కళాశాల విద్యార్థులు అభ్యంతరం చెప్పడంతో ఇరువర్గాలు పరస్పరం దాడులకు దిగారు. యూనివర్సిటీ క్యాంపస్ లో విద్యార్థులు వీధి రౌడీల్లా కొట్టుకోవడంతో మిగతా విద్యార్థులు భయంతో పరుగులు తీశారు.