ప్రకాశం జిల్లా దర్శిలో టిడిపి ఎమ్మెల్యే అభ్యర్థి డాక్టర్ గొట్టిపాటి లక్ష్మి (Gottipati Lakshmi) భారీ బహిరంగ సభ నిర్వహించారు. తొలుత ఆమె నియోజకవర్గం లో శంకరాపురం గ్రామం వద్ద టిడిపి, జనసేన, బిజెపి కార్యకర్తలు, అభిమానులు భారీగా తరలివచ్చి ఘన స్వాగతం పలికారు. కార్యకర్తలు అభిమానులు హర్షధ్వానాలు దర్శి కి చేరుకొని దర్శి గడియార స్తంభం సెంటర్ వద్ద భారీ బహిరంగ సభను నిర్వహించారు. సభకు ఇసుకేస్తే రాలనంతగా తరలివచ్చిన తెలుగు తమ్ముళ్లు , జనసైనికులు, బీజేపీ శ్రేణులు, టిడిపి కార్యకర్తలు, గొట్టిపాటి అభిమానులు. ఈ సందర్భంగా ఆమె మాట్లాడుతూ దర్శిలో అపూర్వ స్వాగతం లభించినందుకు ప్రతి ఒక్కరికి పేరుపేరునా కృతజ్ఞతలు తెలిపారు. అదేవిధంగా నేను ప్రకాశం జిల్లా ఆడబిడ్డను, కాబట్టి నేను లోకల్ అభ్యర్థినే అని అన్నారు.

టిడిపి, జనసేన, బిజెపి నాయకులు కార్యకర్తల కృషితో అఖండ విజయం సాధిస్తానని అన్నారు. దర్శి నియోజకవర్గంలో ప్రతి కుటుంబాన్ని కలిసి సమస్యలు తెలుసుకుని మీ సమస్యలను పరిష్కరించేందుకు అడుగులు వేసేందుకు మీరందరూ మే నెలలో జరగబోయే సార్వత్రిక ఎన్నికల్లో సైకిల్ గుర్తు పై ఓటు వేసి , వేయించి అఖండ మెజారిటీ తో విజయం సాధించి అసెంబ్లీ లో అడుగుపెట్టి నియోజకవర్గంలోని ప్రతి సమస్యను పరిష్కరిస్తా నని కూటమి ఉమ్మడి అభ్యర్థి గొట్టిపాటి లక్ష్మి అన్నారు. ఈ కార్యక్రమంలో దర్శి మాజీ ఎమ్మెల్యే నారపుశట్టి పాపారావు, దామచర్ల జనార్ధన్, అద్దంకి ఎమ్మెల్యే గొట్టిపాటి రవికుమార్, ఒంగోలు పార్లమెంట్ అభ్యర్థి మాగుంట శ్రీనివాస్ రెడ్డి ,ఆయన కుమారుడు రాఘవరెడ్డి, జనసేన జిల్లా నాయకులు రియాజ్ పాల్గొన్నారు.

ఇది చదవండి: తెలంగాణలో భానుడి భగభగలు…

Follow us on : Google News మరిన్నితాజావార్తల కోసం ఇక్కడ క్లిక్ చేయండి.

CVR న్యూస్ తెలుగు వాట్సాప్ ఛానల్ ను ఫాలో అవ్వండి