పుంగనూరు ఆవు (Punganur cow):
ఖమ్మం జిల్లా వేంసూరు మండలం జయలక్ష్మిపురం గ్రామంలో అరుదైన జాతికి చెందిన పుంగనూరు ఆవు ను పెంపుడు జంతువు గా సాకుతున్నారు. గుంట్రు వెంకట స్వామి, తిరుపతమ్మలకు ఒక కుమారుడు. వీరికి అమ్మాయి అంటే చాలా ఇష్టం. తమకు కూతురు లేకపోయినా.. ఒక ఆవును తెచ్చుకుని పెంచుతున్నారు. అదే ఆవుకు పక్క గ్రామంలోని వెటర్నరీ వైద్యుడు సహాయంతో ఇంజక్షన్ ద్వారా క్రాసింగ్ చేయడంతో పుంగనూరు జాతి ఆవు జన్మించింది. దీంతో ఆ ఇంటి యజమానురాలు తిరుపతమ్మ కు పట్టలేని సంతోషం కలిగింది. తమ ఇంటికి లక్ష్మి దేవి వచ్చిందని, తమకు ఆడ పిల్ల లేక పోయినా.. తమకు కూతురు లా పుంగనూరు జాతి ఆవు జన్మించడం అదృష్టంగా భావించి ఆవు మెడకు, కాళ్లకు, నడుముకి మువ్వలు, గజ్జలు కట్టి అందంగా అలంకరించి అల్లారు ముద్దుగా సాకుతున్నారు.
Follow us on : Facebook, Instagram & YouTube.
అయితే అత్యంత అరుదైన పుంగనూరు జాతి ఆవు కావడం, చూడటానికి ఎంతో ముద్దుగా 02 అడుగులు ఎత్తు మాత్రమే ఉండటంతో.. ఒక పెంపుడు కుక్క సైజులో చిన్నగా ఉంటూ.. ఇంట్లో కుటుంబ సభ్యులతో కలిసి తిరుగుతుంది. ఈ అరుదైన పుంగనూరు జాతి ఆవు ను చూసేందుకు చాలా మంది వస్తున్నారు. ఇంటి యజమానులు మాత్రం తమకు బిడ్డ కంటే ఎక్కువగా ప్రేమ గా సాకుతున్నామని, చాలా మంది చూడటానికి వచ్చి డబ్బులు ఇస్తాము అమ్ముతారా అని అడుగుతున్నారు అని చెప్తున్నారు. ఎంత మంది వచ్చి అడిగినా సార్ లక్ష్మి దేవిగా భావించే మా ఆవును అమ్మ లేమని వారు చెప్తున్నారు. ఏది ఏమైనా అరుదైన జాతి గా పుంగనూరు జాతి ఆవు.. ఇప్పుడు ఒక ఇంటిలో ఆడ బిడ్డలా… లక్ష్మి దేవిలా… గజ్జెలు.. మువ్వల తో తిరుగుతూ కుటుంబంలో ఒక బిడ్డ గా పెంపుడు జంతువు గా మారిన పుంగనూరు ఆవును చూసేందుకు జనాలు పదుల సంఖ్యలో తరలి రావడం విశేషమే కదా మరి. Read Also..
మరిన్ని తాజావార్తల కోసం ఇక్కడ క్లిక్ చేయండి.
Total views : 80396