రాబోయే రోజుల్లో ప్రాంతీయ పార్టీల‌దే హవా ఉంటుంది.. ఈ జాతీయ పార్టీల హవా ఉండ‌దని సీఎం కేసీఆర్ స్ప‌ష్టం చేశారు. 2024 త‌ర్వాత దేశంలో వ‌చ్చేది సంకీర్ణ ప్ర‌భుత్వ‌మేనని.. ఏక పార్టీ ప్ర‌భుత్వం రాదని తెలిపారు. అన్ని ఎంపీలు మ‌నం గెలుచుకుంటే బీఆర్ఎస్ త‌డాఖా అప్పుడు ఢిల్లీలో చూపెడుదామని కేసీఆర్ చెప్పారు. నిజామాబాద్ అర్బ‌న్ నియోజ‌క‌వ‌ర్గంలో ఏర్పాటు చేసిన బీఆర్ఎస్ ప్ర‌జా ఆశీర్వాద సభలో కేసీఆర్ పాల్గొని ప్ర‌సంగించారు. తెలంగాణ‌లో అన్ని వ‌ర్గాల ప్ర‌జ‌ల‌ను ఆదుకుంటున్నామని… హిందూ, ముస్లిం, క్రైస్త‌వులు అనే తేడా లేకుండా అన్ని మ‌తాల ప్ర‌జ‌ల‌ను క‌లుపుకొని పోతున్నామని ఈ నేపథ్యంలో ఆయన తెలిపారు. ప్ర‌తి స్కీంలో అంద‌రం భాగ‌స్వామ్యం అవుతున్నామని అంద‌రం సోద‌రుల్లా కలిసి ఉండి మొత్తం ప్ర‌పంచానికి ఉదాహ‌ర‌ణ‌గా ఉంటున్నామన్నారు. ప‌దేళ్లలో ఒక్కసారంటే ఒక్క‌సారి కూడా క‌ర్ఫ్యూ లేదు, క‌ల్లోలం లేదన్నారు కేసీఆర్. లా అండ్ ఆర్డ‌ర్ ప‌టిష్టంగా మెయింటెన్ చేస్తున్నామని ధీమా వ్యక్తం చేశారు. బీఆర్ఎస్ ముమ్మాటికి సెక్యుల‌ర్ పార్టీ అని కేసీఆర్ స్ప‌ష్టం చేశారు.
Read Also..
Read Also..