పశ్చిమగోదావరి జిల్లా నరసాపురం అంబేద్కర్ సెంటర్ లో తమ సమస్యలను పరిష్కరించాలని అంగన్వాడీ వర్కర్లు చేపట్టిన నిరసన దీక్షలు 33వ రోజుకు చేరాయి. ఈ సందర్భంగా అంగన్వాడి వర్కర్లు వినూత్న రీతిలో నిరసన తెలిపారు. ప్రభుత్వం తమపై ప్రయోగించిన ఎస్మా 2 కాపీలను దీక్షా శిబిరం వద్ద భోగి మంటలలో తగలబెట్టారు. ఈ సందర్భంగా వారు మాట్లాడుతూ ప్రభుత్వం అంగన్వాడి వర్కర్ల న్యాయపరమైన సమస్యలను తక్షణమే పరిష్కరించాలని లేనిపక్షంలో ఉద్యమాన్ని మరింత తీవ్రతరం చేస్తామని హెచ్చరించారు. ప్రభుత్వానికి వ్యతిరేకంగా పెద్ద ఎత్తున నినాదాలు చేశారు.