ప్రతి ఒక్కరికి పౌష్టికాహారాన్ని అందించేందుకు ఏపీ సర్కార్ సమాయత్తమవుతోంది. రాబోయే వేసవిని దృష్టిలో పెట్టుకుని రేషన్ కార్డు మీద మార్చి 1నుంచి రాగి పిండిని పంపిణీ చేయాలని ప్రభుత్వం నిర్ణయించింది. అయితే, ప్రస్తుతం బహిరంగ మార్కెట్‌లో రాగి పిండి కేజీ 40 రూపాయలు ఉండగా ప్రజల స్థితిగతులను దృష్టిలో పెట్టుకుని ప్రభుత్వం కేవలం 11లకే కిలో రాగి పిండిని అందజేయనుంది.

రింగురోడ్డుపై మంత్రి కోమటిరెడ్డి కీలక వ్యాఖ్యలు

ఈ బృహత్తర కార్యక్రమాన్ని ఉత్తరాంధ్ర, రాయలసీమ ప్రాంతాల్లో కిలో ప్యాకెట్ల రూపంలో పంపిణీ చేయనున్నట్లు అధికారులు వెల్లడించారు. ముందుగా రేషన్‌ కార్డ్ పై రాగి పిండిని వైజాగ్, అనకాపల్లి, విజయనగరం, శ్రీకాకుళం, మన్యం జిల్లాల్లో పంపిణీ చేయనున్నారు. ఆ తరువాత రాయలసీమలోని కడప, అన్నమయ్య, అనంతపురం, శ్రీసత్యసాయి, చిత్తూరు, తిరుపతి, కర్నూలు, నంద్యాల జిల్లాల్లో రాగి పిండి పంపిణీకి అధికారులు అన్ని ఏర్పాట్లు చేస్తున్నారు.

Follow us on : Facebook, Instagram & YouTube.

మరిన్ని తాజా వార్తల కోసం ఇక్కడ క్లిక్ చేయండి.