శ్రీశైలం ఆలయం (Srisailam Temple):

నంద్యాల జిల్లా శ్రీశైలం మల్లన్న దేవస్థానానికి అమెరికాకు చెందిన కొత్తపల్లి సునీల్ దత్, కుటుంబసభ్యులు బంగారం, వెండి సామాగ్రిని విరాళంగా అందజేశారు. విరాళంగా అందించిన వాటిలో 28 గ్రాముల 300 మిల్లీ గ్రాముల బరువుగల 2 బంగారు బాషికాలు, 5 గ్రాముల బరువుగల బంగారు కంకణం ఉన్నాయి. అదేవిధంగా 1 కేజీ 25 గ్రాముల బరువుతో ఒక వెండి పళ్ళెం, 865 గ్రాముల బరువు గల మరో వెండి పళ్ళెం, 550 గ్రాముల బరువుగల వెండి నాగహారతి, 290 గ్రాముల బరువుగల వెండి శక్తి ఆయుధం, 420 గ్రాముల బరువుగల కుక్కుటధ్వజం, 750 గ్రాముల బరువు 5 వెండి గిన్నెలు, 920 గ్రాముల బరువు గంధాక్షత గిన్నె, 190 గ్రాముల బరువుగల వెండి కమండలాన్ని (చిన్నది) 300 గ్రాముల బరువుగల కమండలాన్ని (పెద్దది) దేవస్థానానికి విరాళంగా అందజేశారు.

Follow us on : Facebook, Instagram & YouTube.

అదేవిధంగా వీరితోపాటు మరో విరాళ దాతలైన నంద్యాలకు చెందిన కౌలురి సింధూర కూడా వెండి వస్తువులను సమర్పించారు. వీటిలో 810 గ్రాముల బరువుగల వెండిపళ్ళెం, 350 గ్రాముల బరువుగల వెండిపళ్లెం, 615 గ్రాముల బరువుగల 3 వెండి చెంబులను విరాళంగా అందజేశారు. ఇరువురు దాతలు అమ్మవారి ఆలయ ప్రాంగణములోని ఆశీర్వచన మండపంలో అమ్మవారి ఆలయ ప్రధానార్చకులు మార్కండేయశాస్త్రి స్థానాచార్యులు పూర్ణానందం, అమ్మవారి ఆలయ అధికారులకు బంగారు, వెండి వస్తువులను అందజేశారు. అనంతరం బంగారం, వెండి అందజేసిన దాతలకు శ్రీస్వామి అమ్మవార్ల శేషవస్త్రాలను, ప్రసాదాలను ఆలయ అధికారులు అందజేశారు.

ఇది చదవండి: కిలారి వెంకట రోశయ్యకు పరువునష్టం నోటీసు

మరిన్ని తాజా వార్తల కోసం ఇక్కడ క్లిక్ చేయండి.