తెలంగాణ ఓట్ల లెక్కింపు ఆసక్తి రేపుతోంది. పోస్టల్ బ్యాలెట్లలో కాంగ్రెస్ పార్టీ ముందంజలో సాగుతోంది. దాదాపు అన్ని జిల్లాల్లోనూ ఆధిక్యాన్ని కొనసాగిస్తోంది. బీఆర్ఎస్ రెండో స్థానంలో ఉంది. ఇక మజ్లిస్ ఒక స్థానంలో ముందంజలో ఉంది. ముఖ్యమంత్రి కేసీఆర్ సొంత నియోజకవర్గం గజ్వేల్ లో ఆధిక్యంలో ఉన్నారు. టీపీసీసీ చీఫ్ రేవంత్ రెడ్డి కొడంగల్ లో ముందంజలో ఉన్నారు. ఇక కేసీఆర్, రేవంత్ రెడ్డిలు పోటీలో ఉన్న కామారెడ్డి నియోజకవర్గంలో ఇద్దరు అగ్రనేతలు పోస్టల్ బ్యాలెట్లలో వెనకంజలో ఉన్నారు. కామారెడ్డిలో బీజేపీ ఆధిక్యంలో ఉంది. ఈవీఎంల ఓట్ల లెక్కింపు మొదలయ్యాక రేవంత్ ఆధిక్యంలోకి వచ్చారు. హైదరాబాద్ లోని చాంద్రాయణ్ గుట్టలో అక్బరుద్దీన్ ఒవైసీ ఆధిక్యం కనబరుస్తున్నారు. ఖమ్మంలో తుమ్మల నాగేశ్వరరావు, మధిరలో భట్టి విక్రమార్క లీడ్ లో ఉన్నారు. మంచిర్యాల, ఆదిలాబాద్ జిల్లాలో కాంగ్రెస్ అభ్యర్థులే ఆధిక్యాన్ని కనబరుస్తున్నారు.