పశ్చిమగోదావరి జిల్లా పెనుగొండ మండలం సిద్ధాంతం గోదావరి వంతెన పైనుండి భార్యాభర్తలు దూకి ఆత్మహత్యాయత్నానికి పాల్పడ్డారు. నిన్న సాయంత్రం ఈ ఘటన చోటు చేసుకుంది. భార్యాభర్తలు గోదావరిలో దూకి ఆత్మహత్యాయత్నానికి పాల్పడటాన్ని స్థానిక మత్స్యకారులు గమనించి భర్తను రక్షించారు. ఘటనా స్థలానికి చేరుకున్న పోలీసులు, జాలర్ల సాయంతో గాలింపు చర్యలు చేపట్టారు. ఈరోజు ఉదయం భార్య మృతదేహం లభ్యమైంది. ఈనెల 16వ తేదీన ఇరువురికి వివాహమైందని అయితే పెళ్లైన నాలుగు రోజులకే ఈ ఘటన చోటు చేసుకోవడంతో.. ఇరువురి కుటుంబాల్లో విషాదం నెలకొన్నది. ఈ ఘటన పై పోలీసులు కేసు నమోదు చేసి దర్యాప్తు చేపట్టారు.