51
కాళేశ్వరం ప్రాజెక్టు ఇసుక మీద కట్టకుండా రేవంత్‌రెడ్డి నెత్తిమీద కట్టాలా?అని మంత్రి హరీశ్‌రావు ప్రశ్నించారు. బూతులు మాట్లాడే నాయకులు కావాలా? భవిష్యత్తు అందించే నాయకుడు కావాలో ఆలోచించుకోవాలని ప్రజలకు విజ్ఞప్తి చేశారు. ఎన్నికల ప్రచారంలో భాగంగా మహబూబాబాద్‌లో భారాస అభ్యర్థి శంకర్‌నాయక్‌కు మద్దతుగా నిర్వహించిన రోడ్‌షోలో మంత్రి హరీశ్‌రావు పాల్గొన్నారు. ఈ సందర్భంగా ఆయన మాట్లాడుతూ.. సమైక్యవాదులు దండయాత్రకు వచ్చిన రోజు మానుకోట ప్రజలు తరిమికొట్టారని గుర్తు చేశారు. మానుకోట దెబ్బతో సమైక్య వాదులు వెనుకకు పరుగెత్తారని.. మళ్లీ వారంతా ఒక్కటై తెలంగాణ మీద దండెత్తడానికి వస్తున్నారన్నారు. వారికి మానుకోట దమ్మేంటో చూపించాలని కోరారు. శంకర్‌ నాయక్‌ నోరు కఠినమైనా.. సిద్దిపేట కంటే బాగా అభివృద్ధి చేశారన్నారు.