తెలంగాణ సంస్కృతి, సంప్రదాయాలకు ప్రతీకగా నిలిచే బోనాల పండుగ సందడి మల్కాజ్‌గిరి ప్రాంతంలో ప్రారంభమైంది. పండుగకు స్వాగతం పలుకుతూ గాంధీ పార్క్, వినాయక్ నగర్, నేరేడ్‌మెట్, మీర్జాల్గూడ, బాలసరస్వతి నగర్ తదితర కాలనీల్లో భారీ స్వాగత బ్యానర్లు ఏర్పాటు చేశారు. రంగురంగుల అలంకరణలతో కాలనీలు పండుగ శోభను సంతరించుకున్నాయి. అమ్మవారి ఆలయాల్లో ప్రత్యేక పూజలు, బోనం సమర్పణలు, సాంస్కృతిక కార్యక్రమాల నిర్వహణకు స్థానిక కమిటీలు విస్తృత ఏర్పాట్లు చేస్తున్నాయి. భక్తుల రాకతో మల్కాజ్‌గిరి ప్రాంతం ఆధ్యాత్మిక, పండుగ వాతావరణంతో కళకళలాడుతోంది.