తిరుమల తిరుపతి దేవస్థానం శ్రీ వేంకటేశ్వర ప్రాణదాన ట్రస్టుకు హైదరాబాద్‌కు చెందిన ఓ సంస్థ 2 కోట్ల రూపాయల విరాళాన్ని అందించింది. టీటీడీ అదనపు ఈవో సీహెచ్ వెంకయ్య చౌదరికి డీడీలను అందజేశారు. ప్రాణదాన ట్రస్టు సేవా కార్యక్రమాలకు తమ వంతు సహకారం అందిస్తున్నామని దాతలు తెలిపారు. విరాళం అందించిన సంస్థ ప్రతినిధులను టీటీడీ అధికారులు అభినందించారు. ఈ నిధులు ట్రస్టు సేవా కార్యక్రమాలకు వినియోగిస్తామని వెంకయ్యచౌదరి వివరించారు.