గోదావరి వరద ఉధృతి పశ్చిమగోదావరి జిల్లాలోని పలు లోతట్టు ప్రాంతాలను ముంచెత్తుతోంది. నరసాపురం మండలం కొత్త నవరాసపురంలోని యానాదుల కాలనీ పూర్తిగా జలదిగ్బంధంలో చిక్కుకుంది. వరద నీరు ఇళ్లలోకి చేరడంతో ప్రజలు తీవ్ర ఇబ్బందులు ఎదుర్కొంటున్నారు. తాగునీరు, ఆహారం వంటి కనీస అవసరాల కోసం అవస్థలు పడుతున్నామని కాలనీవాసులు ఆవేదన వ్యక్తం చేస్తున్నారు. ఇప్పటివరకు అధికారులు గానీ, ప్రజాప్రతినిధులు గానీ తమ కాలనీని సందర్శించి సమస్యలను పట్టించుకోలేదని వారు ఆరోపిస్తున్నారు. వెంటనే సహాయక చర్యలు చేపట్టి సురక్షిత తాగునీరు, నిత్యావసర వస్తువులు అందించడంతో పాటు వరద ప్రభావిత కుటుంబాలకు అవసరమైన సహాయాన్ని అందించాలని బాధితులు ప్రభుత్వాన్ని కోరుతున్నారు. దీనిపై మరింత సమాచారాన్ని మా జిల్లా ప్రతినిధి ఆనంద్ కుమార్ అందిస్తారు.