తమిళనాడులోని తూత్తుకుడి విమానాశ్రయ మైదానానికి అత్యంత సమీపంలో ఓ అరుదైన సుడిగాలి సుడిగుండం ఏర్పడింది. ఆకాశం నుంచి నేల వరకు పొడవుగా విస్తరించిన ఈ సుడిగుండం కొద్ది సేపు కనిపించి స్థానికుల్లో ఆసక్తిని రేకెత్తించింది. ప్రకృతి వైపరీత్యాలకు సంబంధించిన ఇటువంటి దృశ్యాలు దక్షిణ భారతదేశంలో చాలా అరుదుగా కనిపిస్తాయని నిపుణులు చెబుతున్నారు. ఈ సుడిగుండాన్ని అత్యంత సమీపం నుంచి చిత్రీకరించిన వీడియో ప్రస్తుతం సోషల్ మీడియాలో వైరల్‌గా మారింది.