రాత్రివేళల్లో చాలా మంది ఎక్కువగా తింటారు. తిన్న వెంటనే పడుకుంటారు. దీనివల్ల తొందరగా బరువు పెరుగుతారు. కాబట్టి బరువు తగ్గాలని అనుకునేవాళ్లు రాత్రి సమయంలో మితంగా తినాలి. అన్నం బదులు స్నాక్స్ వంటివి తీసుకుంటే మంచిదని ఆరోగ్య నిపుణులు సలహా ఇస్తున్నారు. డైటింగ్ చేస్తున్నప్పుడు సలాడ్స్, పీచుపదార్థాలు ఎక్కువగా తీసుకోవాలి. ఇవి ఆకలి నియంత్రిస్తాయి. పండ్లలో విటమిన్లు, మినరల్స్, ఫైబర్, యాంటీఆక్సిడెంట్లు అధికంగా లభిస్తాయి. వీటిలో అధిక కేలరీలు ఉంటాయి. కాబట్టి పండ్లను ఎక్కువగా తినాలి. నెమ్మదిగా తినడం, ఎక్కువగా నమిలి తినడం వంటివి అలవాటు చేసుకోవాలి. ఫోన్ మాట్లాడుతూ టీవీ చూస్తూ తినడం వల్ల ఎక్కువ ఆహారాన్ని తీసుకుంటారు. కాబట్టి ఆ అలవాట్లకు దూరంగా ఉండాలి. పండ్లు, ఆకుకూరలు తినడం మంచిదే. అలా అని ఎక్కువ తిన్నా కూడా తొందరగా బరువు పెరుగుతారు. ఎప్పుడూ 20 శాతం కడుపు ఖాళీగా ఉంచుకునేలా చూసుకోవాలి. ముఖ్యంగా త్వరగా జీర్ణమయ్యే పండ్లను తీసుకోవడం ఉత్తమం. అరటి పండ్లు తొందరగా జీర్ణమవుతాయి. కాబట్టి బరువు పెరిగే అవకాశమే ఉండదు. అలాగే దోసకాయ, క్యారెట్, బీట్‌రూట్ వంటివి తినడం కూడా మంచిది. వీటితో పాటు శనిగలు తీసుకోవడం కూడా ఉత్తమమే. వీటిలోకార్బోహైడ్రేట్లు, కొవ్వులు, ప్రొటీన్లతో పాటు బీ విటమిన్లు పుష్కలంగా ఉంటాయి. ఇవి శరీర జీవక్రియకు బాగా సహకరించి బరువును తగ్గిస్తాయి.