గురు గ్రహదోషం వుంటే ఈ గణపతి మీకు అధిపతి

మన జాతక చక్రంలో గురుడు బలహీనంతగా ఉన్నట్లయితే.. పసుపు లేదా చందనం లేక బంగారంతో చేసిన గణపతిని ప్రతి గురువారం క్రమం తప్పకుండా ఆరాధించాలి. కనీసం పసుపు రంగులో వున్న గణపతి విగ్రహాన్ని తప్పక పూజించాలి. నియమంగా ప్రతిరోజు గణపతికి గరికతో పూజ చేసి, శనగలు, బూందీలడ్డు ప్రసాదంగా కొంతమందికి పంచినట్లైతే మీకు మేలుకలుగుతుంది. గురు గ్రహం అనుకూలంగా వుంటుంది. జాతకంలో గురువు బలహీనంగా ఉన్నచో జీవితంలో సుఖము, సంతోషం లేక పోవుటం, దైవంపై నమ్మకం లేకపోవుటం, పెద్దలంటే చులకన భావం, సంప్రదాయాలను, ఆచారములు పాటించకుండుట, ఉన్నత విద్యకు ఆసక్తి లేకపోవటం లేక ఆటంకాలు, మూర్ఖంగా, నియంతగా ప్రవర్తించుటం, ధనమునకు ఇబ్బందులు కలుగుట, ఎన్ని పూజలు, వ్రతాలు చేసి నా ఫలితం లేకపోవుట, జీర్ణశక్తి చాలా తక్కువగా వుండటం, లివర్‌కు సంబంధించిన వ్యాధులు కలుగుచున్నప్పుడు గురుగ్రహ దోషంగా గుర్తించి గురు గ్రహ అనుగ్రహం కొరకు గురుచరిత్ర పరాయణ చేయడం, గురువులను గౌరవించుట, క్షేత్రయాత్రలు చేయటం, శనగలు దానం చేయుట, పసుపు రంగు వస్త్రాలనుదానం చేయటం, పంచముఖ రుద్రాక్షను లేదా కనక పుష్యరాగమును ధరిస్తే మంచిది.