తిరుమల శ్రీవారిని సినీ నిర్మాత అంబికా కృష్ణ దర్శించుకుని, వైకుంఠ ఉత్తర ద్వార దర్శనం చేసుకోవడం ఎంతో ఆనందంగా ఉందని టిటిడి ఏర్పాట్లు చాలా అద్భుతంగా చేసిందని కొనియాడారు. దర్శనం అనంతరం సినీ నిర్మాత అంబికా కృష్ణ ఆలయం వెలుపల మీడియాతో మాట్లాడుతూ… టిటిడి చైర్మన్ భూమున కరుణాకర్ రెడ్డి, ఈవో ధర్మారెడ్డి అద్భుతమైన ఏర్పాట్లు చేశారని కంపార్ట్మెంట్లో కాసేపు వేచి ఉండే భక్తులకు అన్ని సౌకర్యాలు కల్పిస్తూ వారికి కావలసిన పాలు, నీరు, ఆహార పదార్థాలను ఎప్పటికప్పుడు ఇస్తున్న టీటీడీ యాజమాన్యాన్ని అభినందించారు. భక్తులకు ఇలాంటి దర్శన భాగ్యం కలిగిస్తున్న కరుణాకర్ రెడ్డి, ధర్మారెడ్డిలకు ఆ దేవదేవుడు మరింత శక్తి నివ్వాలని, ఆంధ్ర రాష్ట్ర ప్రజలంతా సంతోషంగా ఉండాలని దేవుడిని ప్రార్థించానని నిర్మాత అంబికా కృష్ణ అన్నారు.