TS కోడ్ నుంచి TG గా మార్పు త్వరలోనే నోటిఫికేషన్:
కొత్త వాహనాలకు రిజిస్ట్రేషన్‌ కోడ్ మారనుంది. ప్రస్తుతం ‘టీఎస్‌’ కోడ్‌తో రిజిస్ట్రేషన్‌ చేస్తుండగా ఇక ‘టీజీ’గా మారనుంది. ఈ మేరకు కేంద్రం త్వరాలోనే గెజిట్‌ నోటిఫికేషన్ ఇవ్వనున్నట్లు తెలిసింది. ఆ వెంటనే రాష్ట్ర రవాణాశాఖ ఉత్తర్వులు జారీ చేస్తుంది. అనంతరం కొత్త కోడ్‌తో వాహనాల రిజిస్ట్రేషన్లు ప్రారంభమవుతాయి. ప్రస్తుత కాంగ్రెస్‌ ప్రభుత్వం టీఎస్‌ కోడ్‌ను టీజీగా మార్చాలని నిర్ణయించింది. కేంద్రానికి ఈ నెల 5న లేఖ రాసింది.
సమ్మక్క- సారలమ్మ జాతరకు మావోయిస్టులు వచ్చే అవకాశం…
రవాణాశాఖ సంయుక్త కమిషనర్‌ పాండురంగనాయక్‌ ఢిల్లీ వెళ్లి ఉన్నతాధికారులను కలవగా ఒకట్రెండు రోజుల్లో నోటిఫికేషన్ జారీ చేయాలని కేంద్రం నిర్ణయం తీసుకున్నట్లు సమాచారం. ఈ మార్పు కొత్త వాహనాలకే అమలుచేయాలనీ, పాత వాహనాలకు గత రిజిస్ట్రేషన్‌ కోడ్‌ను కొనసాగించాలని ప్రభుత్వం నిర్ణయం తీసుకుంది. రాష్ట్రవ్యాప్తంగా ఇప్పటికే దాదాపు 1.64 కోట్ల వరకు వాహనాలు ఉన్నాయి. ఇందులో ద్విచక్ర వాహనాలు 73.8 శాతం ఉండగా, కార్లు 13 శాతం ఉన్నాయి.
Follow us on : Facebook, Instagram & YouTube.
మరిన్ని తాజా వార్తల కోసం ఇక్కడ క్లిక్ చేయండి.