వేణుగోపాలస్వామి (Venugopala swamy) కళ్యాణం:

కోడూరు మండలం హంసలదీవి గ్రామం లోని వేంచేసియున్న శ్రీ రుక్మిణీ, సత్యభామ సమేత వేణుగోపాలస్వామి వారి వార్షిక కళ్యాణ బ్రహ్మోత్సవాల్లో భాగంగా స్వామివారి కల్యాణం శుక్రవారం రాత్రి కనుల పండగగా జరిగింది. పండంటి వెన్నెలలో దేవతలు నిర్మించిన కళ్యాణ మండపంలో స్వామివారి అమ్మవార్ల కళ్యాణ మహోత్సవం మామిడాకుల తోరణాలు, అరటి పిలకల స్వాగతాలు, వేద పండితుల మంత్రావచనాలు, మంగళ వాయిద్యాలు నడుమ స్వామి వారి కళ్యాణ మహోత్సవం భక్తులను కనువిందు చేసే విధంగా పండితులు నిర్వహించారు. స్వామివారి కల్యాణ మహోత్సవాన్ని తిలకించటానికి సుధీర ప్రాంతాల నుంచి అధిక సంఖ్యలో భక్తులు తరలివచ్చారు. ఈ సందర్భంగా స్వామివారి ఆలయం భక్తులతో పోటెత్తింది. స్వామి వారి దేవాలయాన్ని కర్ణాటక రాష్ట్రంలోని శృంగేరి పీఠం దత్తత తీసుకోవడంతో, అనంతవరం గ్రామానికి చెందిన కుప్పం స్వామియజి, టిటిడి వేదపాఠశాల ప్రిన్సిపాల్ అవదాని దంపతులు స్వామి వారికి పట్టు వస్త్రాలు సమర్పించి, స్వామివారి కల్యాణ మహోత్సవం నిర్వహించటానికి పీఠలపై కూర్చుని స్వామివారి కళ్యాణాన్ని నిర్వహించారు. Read Also..

Follow us on : Facebook, Instagram & YouTube.

మరిన్ని తాజా వార్తల కోసం ఇక్కడ క్లిక్ చేయండి.