వేమూరు మండలం జంపని గ్రామంలో క్రిస్టియన్ యూత్ ఆధ్వర్యంలో జరిగిన సెమి క్రిస్మస్ వేడుకలలో మాజీ మంత్రి నక్కా ఆనంద బాబు పాల్గొన్నారు. ఈ సందర్భంగా కేక్ కట్ చేసి, పెదలకు దుప్పట్లు పంపిణి చేశారు. క్రిస్టియన్ సోదరులకు క్రిస్మస్ శుభాకాంక్షలు తెలిపారు. నక్కా ఆనంద బాబు మాట్లాడుతూ.. నీ వలే నీ పొరుగువారిని ప్రేమించుము శత్రువును కూడా ప్రేమించాలి అని బైబిల్ చెపుతోంది అన్నారు. కానీ మిత్రుడిని కూడా శత్రువుగా చూసే పరిస్థితి నేడు ఉంది అని వివరించారు. మానవ ప్రయత్నానికి.. దేవుని అశీస్సులు కావాలి, అప్పుడే సంకల్పం నెరవేరుతుందని తెలిపారు. సమస్త మానవాళి రక్షణ కోసం దేవుడు ఏసు మానవ రూపంలో వచ్చారని, రాష్ట్రానికి మంచి జరగాలి అని చర్చిల్లో ప్రార్థనలు చేయండి అని విజ్ఞప్తి చేశారు.