అంతరిక్షం(Space) అనేది అనంత విస్తృతి, మానవులకు ఎల్లప్పుడూ సవాల్ విసురుతూనే ఉంటుంది. దాని రహస్యాలను చేధించడానికి, మన అవగాహనను విస్తరించడానికి మనం నిరంతర పరిశోధనలు చేస్తున్నాం. ఇప్పుడు, ఈ ప్రయాణంలో కొత్త అధ్యాయం తెరిచేందుకు సిద్ధంగా ఉంది. ప్రపంచంలోనే మొట్టమొదటి కలపతో తయారు చేసిన ఉపగ్రహాన్ని(satellite) త్వరలోనే కక్ష్యలోకి ప్రవేశపెట్టేందుకు అమెరికా అంతరిక్ష పరిశోధన సంస్థ (NASA) మరియు జపాన్ అంతరిక్ష అన్వేషణ సంస్థ (JAXA) సంయుక్తంగా కృషి చేస్తున్నాయి. ఈ గొప్ప ప్రయోగం అంతరిక్ష పరిశోధనలకు కొత్త అవకాశాలను తెరవనుంది.

Follow us on :Facebook, Instagram&YouTube.

Wooden Satellite Into Space | కలప శాటిలైట్ ఎందుకు?

ఇప్పటి వరకు అంతరిక్ష పరిశోధనల్లో ఉపయోగించే ఉపగ్రహాలు ఎక్కువగా అల్యూమినియం వంటి లోహాలతో తయారు చేయబడుతున్నాయి. అయితే, వీటి నుండి వచ్చే వ్యర్థాలు (డీబ్రి) అంతరిక్షంలోనే తేలియాడుతూ ఉంటాయి. ఇవి ఇతర ఉపగ్రహాలకు, అంతరిక్ష కార్యకలాపాలకు ప్రమాద కారకాలుగా మారుతున్నాయి. “స్పేస్ జంక్” గా పిలువబడే ఈ వ్యర్థాలు ఒక పెద్ద సమస్యగా మారుతున్నాయి. జీవితకాలం చివరలో అంతరిక్షం నుంచి తిరిగి భూమి వాతావరణంలోకి ప్రవేశించినప్పుడు ఇది సహజంగానే కాలిపోతుంది. దీనివల్ల అంతరిక్ష కాలుష్యం గణనీయంగా తగ్గుతుంది.

లిగ్నోసాట్

ఈ ప్రయోగంలో ఉపయోగించబడే ఉపగ్రహాన్ని “లిగ్నోసాట్” అని పిలుస్తారు. ఇది ఒక కాఫీ మగ్‌ పరిమాణంలో ఉంటుంది. జపాన్‌లోని క్యోటో విశ్వవిద్యాలయ శాస్త్రవేత్తలు ఈ ప్రాజెక్ట్‌కు నాయకత్వం వహిస్తున్నారు. సుమిటోమో ఫారెస్ట్రీ అనే కలప సంస్థ సహకారంతో ప్రత్యేకమైన రకం కలపను (మెగ్నోలియా చెట్ల నుండి) ఎంపిక చేసి, దానిని అంతరిక్షంలో తట్టుకునేలా ప్రత్యేకంగా తయారు చేశారు. ఈ లిగ్నోసాట్ ప్రస్తుతం అంతర్జాతీయ అంతరిక్ష కేంద్రంలో పరీక్షిస్తున్నారు. పరీక్షలు విజయవంతమైతే, త్వరలోనే దీనిని ప్రయోగించే అవకాశం ఉంది.

మరిన్ని తాజా వార్తల కోసం ఇక్కడ క్లిక్ చేయండి.