తెలంగాణలో నరేంద్ర మోదీ ఎన్నికల ప్రచారం షెడ్యూల్‌ ఖరారు

by Satya 13/03/2024

written by Satya 13/03/2024

ఈ నెల 15, 16, 18 తేదీల్లో ప్రధాని మోదీ తెలంగాణ పర్యటన..

తెలంగాణ(Telangana)లో ప్రధాన మంత్రి నరేంద్ర మోదీ(Narendra Modi) ఎన్నికల ప్రచారం(Election campaign) షెడ్యూల్‌ ఖరారైంది. ఇప్పటికే ఒక దఫా తెలంగాణలో పర్యటించిన ప్రధాని.. ఈ నెల 15, 16, 18 తేదీల్లో మరోసారి పర్యటించనున్నారు. 15న మల్కాజిగిరి పార్లమెంట్‌ పరిధిలో భారీ రోడ్‌ షో నిర్వహించాలని భాజపా రాష్ట్ర నాయకత్వం ప్లాన్‌ చేస్తోంది.

దాదాపు గంటన్నరకు పైగా రోడ్ షో నిర్వహించాలని భావిస్తోంది. అమిత్ షా(Amit Shah) సమావేశం అనంతరం పార్టీ రాష్ట్ర కార్యాలయంలో ముఖ్య నేతలు సమావేశమై రోడ్ షో విజయవంతంపై చర్చించారు. బుధవారం రాష్ట్ర కార్యాలయంలో మల్కాజిగిరి రోడ్ షోపై సన్నాహక సమావేశం జరగనుంది. 16న నాగర్ కర్నూల్ పార్లమెంట్ పరిధిలో, 18న జగిత్యాలలో మోదీ ఎన్నికల సభల్లో పాల్గొననున్నారు.

ఇది చదవండి: బెంగళూరులో ఎన్నడూ లేనంతగా నీటి కొరత.. డీకే శివకుమార్