ఐఫోన్ 15 ప్రో మ్యాక్స్ కెమెరా అదుర్స్…

ఆపిల్ స్కేరీ ఫాస్ట్ ఈవెంట్‌ సందర్భంగా సరికొత్త మ్యాక్‌బుక్ ప్రో మోడల్‌లను ప్రవేశపెట్టింది. ఈ ఈవెంట్ మొత్తాన్ని ఐఫోన్ 15 ప్రో మాక్స్‌ లోని కెమెరాతో షూట్ చేసింది. ఆ వీడియోను మ్యాక్‌లో ఎడిట్ చేసి యూట్యూబ్‌లో పోస్టు చేసింది. ప్రపంచ టెక్ దిగ్గజం ఆపిల్ (Apple) స్కేరీ ఫాస్ట్ ఈవెంట్ మొత్తాన్ని ఐఫోన్‌తో షూట్ చేసింది. గత నెలలో, ఆపిల్ వండర్‌లస్ట్ ఈవెంట్‌లో ఐఫోన్ 15 ప్రో మ్యాక్స్ మోడల్‌ని ఆవిష్కరించింది. 48MP ప్రైమరీ సెన్సార్‌తో ఉన్న ఈ ఐఫోన్ కెమెరా ఈవెంట్ సమయంలో చాలామంది యూజర్ల దృష్టిని ఆకర్షించింది. ఇటీవల నిర్వహించిన స్కేరీ ఫాస్ట్ ఈవెంట్‌తో ఆపిల్ ఐఫోన్ 15 ప్రో మ్యాక్స్ ఫోన్ కెమెరాతో మరోసారి నిరూపించింది. ఆపిల్ ఎలా షూట్ చేసిందో వీడియోను కూడా కంపెనీ అధికారిక యూట్యూబ్‌ ఛానల్లో పోస్టు చేసింది. ఇప్పుడా వీడియో సోషల్ మీడియాలో వైరల్ అవుతోంది. మొదట్లో ఈ వీడియోను ప్రైవేటులో పెట్టిన ఆపిల్ కొన్ని గంటల తర్వాత మళ్లీ లైవ్ చేసింది.