నాగర్ కర్నూల్ జిల్లా కొల్లాపూర్ లో టిఆర్ఎస్ పార్టీకి భారీ షాక్ తగిలింది. టిఆర్ఎస్ పార్టీకి చెందిన కొల్లాపూర్ ఎంపీపీ భోజ్యా నాయక్ పార్టీకి రాజీనామా చేశారు. అనంతరం ఈరోజు కాంగ్రెస్ పార్టీ ఎమ్మెల్యే అభ్యర్థి మాజీమంత్రి జూపల్లి కృష్ణారావు సమక్షంలో కాంగ్రెస్ పార్టీ కార్యాలయంలో ఎంపీపీ భోజ్యా నాయక్ కాంగ్రెస్ పార్టీలో చేరారు. కాంగ్రెస్ పార్టీ కండువా కప్పి జూపల్లి పార్టీలోకి ఆహ్వానించారు. ఎంపీపీ భోజ్యా నాయక్ మాట్లాడుతూ తనకు ఎంపీపీ పదవి ఇచ్చారని కానీ తన కాళ్ళు చేతులు కట్టేసినట్లు విపరీతమైన టార్చర్ పెట్టారని ఆవేదన వ్యక్తంచేశారు. పదవి ఇచ్చి పనులు అధికార పార్టీ నాయకులు చేసుకున్నారని అన్నారు. తనపై పెత్తనం చేసారని కనీసం తనకు సమాచారం ఇవ్వకుండా అవమానించారని ఆవేదన వ్యక్తంచేశారు. ఒక గిరిజన బిడ్డను కాబట్టే తనపై అలా ప్రవర్తించారని తెలిపారు. ఇన్ని రోజులు అన్ని భరించనని ఇక భరించలేక కాంగ్రెస్ పార్టీలో చేరినట్లు తెలిపారు. ఎమ్మెల్యే బీరం.హర్షవర్ధన్ రెడ్డి బండారం బయటపెడతానని తనకు అన్ని తెలుసని అన్నారు. అన్ని తాండలు తిరిగి ప్రచారం చేసి కాంగ్రెస్ పార్టీ అభ్యర్థి జూపల్లి కృష్ణారావు ను భారీ మెజార్టీతో గెలిపిస్తానని ఆయన శపథం చేశారు.
Read Also…
Read Also…
Total views : 141370