జగిత్యాల జిల్లా కేంద్రంలో కాంగ్రెస్ పార్టీ సీనియర్ నేత, ఎమ్మెల్సీ జీవన్ రెడ్డి కాంగ్రెస్ పార్టీ ఎన్నికల్లో 70పైగా గెలుస్తుందని ధీమ వ్యక్తం చేశారు. జీవన్ రెడ్డి మీడియాతో మాట్లాడుతూ…జిల్లాలో యథేచ్చగా నిబంధనల ఉల్లంఘన జరుగుతుందన్నారు. ఎన్నికల నిబంధనలకు విరుద్ధంగా మట్టి తవ్వకానికి అనుమతులు మంజూరు చేసి…ఎన్నికల నియమావళిని ఉల్లంఘించిన అధికారులను తక్షణమే తొలగించాలన్నారు. ఇక ఈ అంశంపై విజిలెన్స్ అధికారులతో విచారణ చేపట్టాలన్నారు. ఈసీ ఎన్నికలను పారదర్శకంగా నిర్వహించేదుకు ఎన్నికల సంఘం చూస్తుంటే, జగిత్యాల జిల్లాలో మాత్రం యథేచ్చగా నిబంధనల ఉల్లంఘన జరుగుతోందన్నారు. జిల్లాలో అసలు యంత్రాంగం ఉందా? అని జీవన్ రెడ్డి ప్రశ్నించారు.