పోలీసులు ఔదార్యం (police generous):

హైదరాబాద్ మల్కాజ్గిరి నుంచి జాతరకు వచ్చిన భక్తుడు రోహిత్ లాల్ చికలగుట్ట వెంట సుమారు 4 కిలోమీటర్ల దూరంలో సరదాగా వెళ్లి జంపన్న వాగులో స్నానం చేస్తూ నీటిలో మునిగి మృతి చెందారు. బందువులు ఇచ్చిన సంచారంతో స్పందించిన ఇంటలిజెన్స్ సీఐ సట్ల కిరణ్ కుమార్, సీసీఎస్ సీఐ అనుగుల శ్రీనివాస్, SI శ్రీకాంత్ రెడ్డి, సిబ్బంది రమేష్, మధు, సాంబయ్య, శంకర్ లు కాలినడకన భక్తుడు మృతి చెందిన చోటికి వెళ్ళారు. సుమారు 3 గంటలపాటు శ్రమించి నీటిలో మృత దేహం గుర్తించారు. మృతదేహం బయటికి తీసుకువచ్చారు. అడవి బాటలో మృతదేహం వాహనాల్లో తీసుకు వచ్చే అవకాశం లేకపోవడంతో మృత దేహాన్ని కర్రలకు కట్టుకుని బూజన మోసుకుంటూ సుమారు 4 కిలోమీటర్లు నడిచి మృతదేహాన్ని పోస్టుమార్టంకు తరలించారు. రాను పోను 8 కిలోమీటర్ల నడవడంతోపాటు మృత దేహాన్ని 4 కిలోమీటర్లు మోసిన పోలీసులను భక్తులు అభినందిస్తున్నారు.

ఇది చదవండి: బీఆర్ఎస్ పార్టీకి భారీ షాక్…

మరిన్ని తాజా వార్తల కోసం ఇక్కడ క్లిక్ చేయండి.