జగిత్యాల, ఎన్నికలకు అన్ని ఏర్పాట్లు పూర్తి చేస్తామని, జగిత్యాలలో 254 పోలింగ్ స్టేషన్లు ఉన్నాయని జగిత్యాల ఆర్డీవో, రిటర్నింగ్ అధికారి నరసింహమూర్తి తెలిపారు. బుధవారం ఆయన విలేకరులతో మాట్లాడుతూ ప్రతి ఓటరు తమ ఓటు హక్కును స్వచ్ఛందంగా వినియోగించుకోవాలని, జగిత్యాల నియోజకవర్గంలో ఎన్నికల విధులు నిర్వహించడానికి 1200 మంది సిబ్బందిని నియమించడం జరిగిందని, 178 పోలింగ్ స్టేషన్లో వెబ్ కాస్టింగ్ ఏర్పాటు చేశామని, ఓటర్ స్లిప్ తో పాటు 12 రకాల గుర్తింపు కార్డులో ఏదైనా ఒక గుర్తింపు కార్డుతో ఓటు హక్కు వినియోగించుకోవచ్చని తెలిపారు. జగిత్యాల నియోజకవర్గంలో ఐదు ఉమెన్ పోలింగ్ స్టేషన్లు, ఒక పిడబ్ల్యూడిపోలింగ్ స్టేషన్, యూత్ పోలింగ్ స్టేషన్లను ఏర్పాటు చేశామని తెలిపారు. అనంతరం జగిత్యాల డిఎస్పి వెంకట్ స్వామి మాట్లాడుతూ జగిత్యాల నియోజకవర్గం లో ప్రశాంతంగా ఎన్నికల నిర్వహణకు అన్ని రకాల చర్యలు తీసుకుంటామని, ఏమైనా ఇబ్బందులు ఉంటే స్థానిక పోలీస్ స్టేషన్ లో, డయల్ 100కు సమాచారం అందించాలని తెలిపారు. ఈ కార్యక్రమంలో జగిత్యాల పట్టణ ఇన్స్పెక్టర్ నటేష్, ఎస్ఐలు, పోలింగ్ అధికారులు, సిబ్బంది పాల్గొన్నారు.